रातको समयमा अनियन्त्रित मोटरसाइकल दुर्घटनामा ३५ वर्षीय राजेन्द्र दनुवारको मृत्यु
कमलामाई, असार १६। सिन्धुलीको कमलामाई नगरपालिका–१४, रानीबासमा गएराति भएको मोटरसाइकल दुर्घटनामा एकजनाको ज्यान गएको छ भने एक किशोर घाइते भएका छन्। दुर्घटना मिति २०८२ असार १५ गते राति करिब ११:५० बजे मदनभण्डारी राजमार्ग अन्तर्गत रानीबासमा भएको हो ।
जिल्ला प्रहरी कार्यालय सिन्धुलीका अनुसार कमलामाई–१४, तल्लो रानीबासका २१ वर्षीय मनिष धामीले चलाएको ज ४ प ३४९८ नम्बरको मोटरसाइकल भिमानबाट रानीबासतर्फ जाँदै गर्दा अनियन्त्रित भई सडकको बायाँतर्फ पल्टिँदा दुर्घटना भएको हो । मृत्यु हुनेमा कमलामाइर् नगरपालिका–१४, चन्दनपुर निवासी राजेन्द्र कुवँर दनुवार रहेका छन् । उनलाइ छाती र टाउकाेमा गम्भिर चाेट लागेपछि उपचारका लागि जनसेवा अस्पताल बर्दिवास लैजाँदै गर्दा बाटाेमा मृत्यु भएकाे बताइएकाेछ ।
यसैगरी करण कुमर, उमेर करिब १४ वर्ष, ऐ.ऐ. (ठेगाना खुलाइएको छैन), विदेश कुमरका छोराकाे दायाँ कुम र दायाँ हातमा चाेट लागि हाल जनसेवा अस्पताल बर्दिवासमा उपचाररत रहेकाे र उनकाे अवस्था सामान्य रहेकाे प्रहरीकाे भनाइछ । दुर्घटनापछि मोटरसाइकल चालक मनिष धामीलाई इलाका प्रहरी कार्यालय भिमानले नियन्त्रणमा लिएको छ। घटनाबारे आवश्यक अनुसन्धान र कानुनी कारबाही प्रक्रिया अगाडि बढाइएको प्रहरीले जनाएको छ।
