सिन्धुली, भदौ २ । नेपाल आदिवासी जनजाति पत्रकार महासङ्घ (फोनिज) सिन्धुलीले सोमबार एक कार्यक्रम बीच आफ्नो आफ्नो २६ औं स्थापना दिवस मनाएको छ ।
फोनिजले सञ्चार माध्यममा समावेशिता र आदिवासी जनजातिको स्थान बिषयक अन्तरक्रिया कार्यक्रम गरी उक्त दिवस मनाएको हो । सो अबसरमा कार्यक्रमका प्रमुख अतिथि गाँउपालिका महासङ्घ बागमती प्रदेसका अध्यक्ष तथा तीनपाटन गाँउपालिका अध्यक्ष कर्णबहादुर थापा मगरले सञ्चार माध्यमलाई बलियो र विश्वस्नीय बनाईनु पर्ने बताउनुभयो ।
सञ्चार माध्यम बलियो भयो भने मात्रै सबैको मुद्धा र आवाज उजागर हुने चर्चा गर्दै उहाँले भन्नुभयो, ‘निष्पक्ष सञ्चार माध्यमले मात्रै सबैको मन र विश्वास जित्न सक्छ ।’
फोनिज बागमती प्रदेश अध्यक्ष युबराज श्रेष्ठले सङ्कटको बेलामा मात्रै पत्रकार खोज्ने गरेको बताउनुभयो । फोनिजले समाज भड्काउने र द्वन्द्व सिर्जना गर्ने खालको पत्रकारिता गर्न नहुने उहाँको भनाई थियो । सो अवसरमा फानिजले स्थापना गरेको फोनिज सिन्धुलीले स्थापना गरेको ‘स्वर्गिय पत्रकार अन्जन राना स्मृति अक्षय कोष’ बाट स्वर्गिय पत्रकार रानाको परिवारलाई २० हजार रुपिया सहयोग प्रदान गरिएको छ ।
गाँउपालिका महासङघ बागमती प्रदेशका अध्यक्ष मगरले स्वर्गिय पत्रकार रानाको श्रीमती अनिता रानालाई सहयोग रकमको चेक हस्तान्तरण गर्नु भएको हो । त्यस्तै सिन्धुलीका क्रियासिल पत्रकार जिबी श्रेष्ठलाई नगद एक हजार पाँच सय रुपिया र प्रशंसापत्र प्रदान गरी सम्मान गरिएको छ ।
फोनिज सिन्धुलीका अध्यक्ष रोहित गुरुङ्को अध्यक्षतामा भएको उक्त कार्यक्रममा नेपाल पत्रकार महासङ्घ बागमती प्रदेश उपाध्यक्ष बिमला पाण्डे, नेपाल पत्रकर महासङ्घ सिन्धुलीका अध्यक्ष बाबुराम देवकोटा, नेपाल प्रेस युनियन जिल्ला अध्यक्ष बरुण लामिछाने लगायतका बक्ताले सञ्चार माध्यममा समावेशिता र आदिवासी जनजातिको स्थानले प्राथमिकता पाउदै गएको चर्चा गर्नुभयो ।
स्वर्गिय पत्रकार राना २०७८ साल फागुन २३ गते समाचार सङ्कलनका क्रममा जाँदा सिन्धुलकिो कमलामाई नगरपालिका–२ ढुङ्ग्रभञ्ज्याङ्मा मोटर साईकल दुर्घट्नामा परि उहाँको निधन भएको थियो । फोनिज सिन्धुलीले स्वर्गिय पत्रकार रानाकै स्मृतिमा तीन लाख रुपियाको अक्षय कोष स्थापना गर्ने लक्ष्य राखेको छ ।
हालसम्म एक लाख ३५ हजार रुपिया कोषमा सङकलन भएको र सोही रकमको ब्याजबाट स्वर्गिय पत्रकार रानाको एक मात्र सन्तान(छोरी)लाई कक्षा १२ सम्म पठनपाठनमा सहयोग पु¥याउने उद्देश्यले सहयोग गर्दै आएको फोनिज सिन्धुलीका अध्यक्ष गुरुङ्ले जानकारी दिनुभयो ।