सिन्धुली, भदौ ८ – भन्सार छली गरी ल्याइएको सामानसहितको एक सवारी साधन प्रहरीले नियन्त्रणमा लिएको छ ।
कमलामाई नगरपालिका–९ भिमानस्थित बीपी राजमार्गमा आज दिउँसो करिब ३ बजेर ५ मिनेट जाँदा काकरभिट्टाबाट काठमाडौंतर्फ जाँदै गरेको बा ४ ख ६६७७ नम्बरको यात्रुवाहक हायसलाई चेकजाँच गर्ने क्रममा आवश्यक बिल कागजात नभएका विभिन्न सामान फेला परेका हुन् ।
प्रहरीले सवारीसहित बरामद सामान इलाका प्रहरी कार्यालय भिमानमा ल्याएर राखेको छ। बरामद सामानमा २३६ थान सादा कुर्था, २६ थान जडिवाला कुर्था, ७० पिस क्लासिक डार्क कम्पाउन्ड (मिठाई) र २५ पिस अमुल बटर रहेका छन् । यी सामानहरूको मूल्य करिब २ लाख ५० हजार ९ सय रुपैयाँ बराबर हुने प्रहरीले जनाएको छ । पक्राउ परेका सामान र सवारीलाई आवश्यक कारबाहीका लागि भन्सार कार्यालयमा पठाइने प्रहरीले जनाएको छ।
Advertisement
Advertisement
मनकाे कुरा ब्यक्त गर्नुस