सिन्धुली, भदौ ७ । बैदेशिक रोजगारीमा मलेसियामा रहनु भएका एक मज्दुरले शनिबार सिन्धुली अस्पताललाई बैशाखी सहयोग गर्नु भएको छ ।
मलेसियामा रहनु भएका कमलामाई नगरपालिका–४ ढकालगाँउ निवासी भक्त कार्कीले कुशेऔंसी तथा बुबाको मुख हेर्ने दिनको अबसरमा अस्पताललाई छ जोर बैशाखी सहयोग गर्नु भएको हो । जनज्योति मावि फोस्रेटारका निबर्तमान् प्रधानाध्यापक भिमबिक्रम थापाको समन्वयमा मज्दुर कार्कीले मलेसियाबाट पठाएको नेपाली २५ हजार पाँच सय रुपिया मध्येबाट उक्त बैशाखी खरिद गरी अस्पताल विकास समितिका अध्यक्ष शतिषचन्द्र ढकाललाई हस्तान्तरण गरिएको छ ।
त्यस्तै सोही रकमबाट फलफुल खरिद गरी सिन्धुली अस्पतालमा उपचारका लागि भर्ना भएका बिरामीलाई बितरण गरिएको छ । आफ्ना स्वर्गिय पिता सुर्यबहादुर कर्कीको स्मृतिमा मज्दुरले कार्कीले अस्पताललाई बैशाखी सहयोग र बिरामीलाई फलफुल बितरण गर्नु भएको प्रधानाध्यापक थापाले जानकारी दिनुभयो ।
उहाँले भन्नुभयो, ‘दुई बर्षअघि रोजगारीका लागि मलेसिया गएका कार्कीले बिदाका दिनमा नेपालीहरु बस्ने कोठामा पु¥याएर मःम बिक्री गर्दै आएका छन् । त्यसबाट पनि बचेको समयमा फ्याकिएका रेडबुलको खाली भाँडा सङ्कलन गरी कुच्याएर बिक्रि गर्दै आएका छन् । त्यही मःम र रेडबुलको भाँडा बिक्रि गर्दा भएको २५ हजार पाँच सय रुपिया पठाएको र मजदुर कार्कीकै आग्रहमा उक्त पुण्य कार्य गरिएको हो ।
अस्पताल विकास समितिका अध्यक्ष शतिषचन्द्र ढकालले विदेशमा कार्यरत मज्दुरले गरेको उक्त सहयोग विपिन्न, असहाय बिरामीलाई ठूलो सहयोग हुने र यस्ता सहयोगले काम गर्न जाँगर पनि पलाउने बताउनुभयो ।
उक्त कार्यमा स्वर्गिय सुर्यबहादुर कार्कीको श्रीमती हिरामाया र अन्य छोराहरु गणेश कार्की र दिनेस कार्कीको समेत सहयोग रहेको छ । बैशाखी र फलफुल खरिदबाट बँचेको बाँकी रकमबाट फर्निचर(कुर्सी) खरिद गरी विद्यालयलाई हस्तान्तरण गरिएको प्रअ थापाले बताउनुभयो ।
