सिन्धुली २८ फागुन ०८१
सिन्धुली उद्योग वाणिज्य संघको अध्यक्षमा पुनः दोस्रो कार्यकालको लागि अर्जुन कुमार श्रेष्ठ अध्यक्षमा निर्वाचित हुनु भएको हाे ।
हिजो भएको उद्योग वाणिज्य संघको निर्वाचनमा कुल खसेको मत १ हजार १ मत मध्ये अध्यक्ष्य पदमा अर्जुन कुमार श्रेष्ठले ५ सय ९७ मत पाएका थिए भने राजकुमार श्रेष्ठले ३ सय ८८ मत ल्याएका मत प्राप्त गरेका थिए ।
वस्तुगत उपाध्यक्षमा राम राजभण्डारी निर्वाचित भएका छन । कुल १४ मत मध्ये राजभण्डारीले ११ मत प्राप्त गरेका थिए भने प्रत्यासी विजय बस्नेतले ३ प्राप्त गरेका थिए ।
वरिष्ठ उपाध्यक्षमा स्वतन्त्र उम्मेदवारी दिनु भएका देवनारायण श्रेष्ठ विजयी हुनु भएको छ । उहाँले ४९५ मत प्राप्त गर्दै निर्वाचित हुनुभयो । जसमा वरिष्ठ उपाध्यक्ष पदका प्रत्याशी बिरबल चौधरीले ४५१ मत प्राप्त गर्नु भएकाेछ । महासचिवमा ६४६ मत प्राप्त गर्दै वासु भेटवाल विजयी हुनु भएको छ । भने प्रत्यासी उम्मेदवार मेघ बहादुर कार्कीले २६६ मत प्राप्त गर्नुभयो ।
यसैगरी उप–महासचिवमा स्वतन्त्र उम्मेदवारी दिनु भएका नेत्र जङ्ग थापा ४३१ मत प्राप्त गर्दै विजयी हुनु भएको छ । उप–महासचिवका अन्य प्रत्याशी युवराज श्रेष्ठले ३७४ र सोनी कुमारी झाले १०४ मत प्राप्त गर्नुभयो । महिला सचिवमा सृजना श्रेष्ठ ५४१ मत प्राप्त गर्दै विजयी हुनु भएको छ भने रेजिना श्रेष्ठले ३४१ मत प्राप्त गर्नुभयो ।
यस्तै खुल्लामा ५ जना सदस्यहरुमा क्रमशः ७६३ पपुलर मत सहित सञ्जय साह, ७५४ मत सहित हिमेश श्रेष्ठ, ६८९ मह सहित राजकुमार श्रेष्ठ, र ५७७ मत सहित रामचन्द्र पौडेल निर्वाचित हुनु भएकोछ । जसमा खुल्ला सदस्य पदका प्रत्यासी रितेश श्रेष्ठले ५३५ मत प्राप्त गर्नु भयो ।
